மாங்காய்த் தொக்கு

மாங்காய்த் தொக்கு

தேவையான பொருட்கள்

பெரிய மாங்காய்-1
நல்லெண்ணெய்-கால் கப்
கடுகு-1 டீஸ்பூன்
வெந்தயம்-1/4 டீஸ்பூன்
காரப்பொடி-1 டீஸ்பூன்
காயம்-1/2 டீஸ்பூன்
உப்பு-தேவையான அளவு

செய்முறை

1.மாங்காயின் தோலகற்றித் துருவிக் கொள்ளவும் அல்லது மின் அரைப்பானில் அரைத்துக் கொள்ளவும்.
2.வாணலியில் எண்ணெய் விட்டு கடுகு தாளிசம் செய்யவும்.
3.அடுப்பைக் குறைந்த தீயில் வைத்து துருவிய மாங்காயைத் தாளிசத்துடன் சேர்த்து உப்பு,காரப்பொடி,காயம் சேர்க்கவும்.
4.தனியே ஒரு வாணலியில் வெந்தயத்தைச் சிவக்க வறுத்து திரித்து வைத்துக் கொள்ளவும்.
5.மாங்காயைப் பச்சை வாடை போக வதக்கவும்.
6.திரித்த வெந்தயத்தைச் சேர்க்கவும்.
7.மாங்காய் நன்கு தொக்கி வரும் வேளையில் தனியே ஒரு வாணலியில் 4 டீஸ்பூன் நல்லெண்ணையைக் கொதிக்க வைத்துத் தொக்குடன் சேர்க்கவும்.
8.ஆற விட்டு பாட்டிலுக்கு மாற்றவும்.

கூடுதல் குறிப்புகள்

1.இவ்வகைத் தொக்கைக் கால் மணி நேரத்தில் செய்து விடலாம்.
2.தக்காளியை மின் அரைப்பானில் அரைத்தோ மிகவும் பொடியாக நறுக்கியோ இதே முறையில் தக்காளித்தொக்கும் செய்து கொள்ளலாம்.
3.பூண்டு சேர்க்க விரும்புபவர்கள் 2 பல்லு பூண்டை மிகவும் பொடியாக நறுக்கித் தனியே வதக்கி இதனுடன் சேர்த்து தொக்கு செய்யலாம்.
4.மிகவும் ருசியான இந்த ஊறுகாய் தயிர்சாதம்,பொங்கல் போன்ற உணவுகளுக்கு அருமையான இணை.